Një përplasje e ashpër ka ndodhur mes avokatit Spartak Ngjela dhe ish-deputetin demokrat Klevis Balliu.
Në studion e programit “Now”, Ngjela e cilësoi Balliun anti-amerikan, duke thënë se është pjesë e një partie kryetari i së cilës është shpallur non grata nga SHBA.
Debati nisi pas akuzave të balliut për inceneratorët. Ngjela i kërkoi Balliut fakte duke i kujtuar se nuk ka kompetencë juridike për të bërë të tilla deklarata.
“Ti je i PD, je anti-amerikan, si mund të flasim me ty. Kryetari i partisë tënde është non grata”, tha Ngjela.
Kjo deklaratë solli reagimin e menjëhershëm të ish-deputetit demokrat që iu kthye avokat Ngjelës: “Unë kam diplomë amerikane, si mund të më thuash mua anti-amerikan”.
Discussion about this post