Presidenti ukrainas Volodymr Zelensky i është kundërpërgjigjur ashpër deklaratës së ish-sekretarit amerikan të shtetit, Henry Kissinger, i cili sugjeroi se negociatat e paqes duhet të synojnë krijimin e kufijve përgjatë “vijës së kontaktit” në Donbas siç ekzistonte në prag të pushtimit rus, shkruan BBC. Kissinger dha këtë mesazh përmes një lidhje skype në Forumin e Davos.
“Kam përshtypjen se në kalenderin e Kissinger nuk është viti 2022 por viti 1938, dhe se ai mendon se po flet me një audiencë në Mynih, jo në Davos. Meqë ra fjala, në vitin e vërtetë 1938, kur familja e Kissinger po ikte nga Gjermania naziste, ai ishte 15 vjeç dhe kuptonte gjithçka në mënyrë të përsosur. Dhe ai nuk tha në asnjë moment se ishte e nevojshme të përshtatej me nazistët në vend që të ikte ose të luftonte kundër tyre”, tha ai.
Zelensky shtoi se sugjerimi që Ukraina të heqë dorë nga territoret e saj është e përshtatshme, e zakonshme dhe “shpesh shumë fitimprurëse” për disa.
“Ka pasur sigurisht persona që kanë bërë thirrje për kompromis – një thirrje që ukrainasit nuk ka gjasa ta dëgjojnë, edhe pse trupat ruse vazhdojnë bombardimet e tyre në lindje të vendit. Dhe pavarësisht “kampeve të filtrimit” në të cilin ata vrasin, torturojnë, përdhunojnë dhe poshtërojnë njerëzit apo edhe masakrave si në Bucha apo Mariupol, del dikush që thotë le të marrin parasysh interesat e tij. Rusia i ka bërë të gjitha këto në Europë. Por megjithatë, në Davos, për shembull, Kissinger thotë se një pjesë e Ukrainës duhet t’i jepet Rusisë,” përfundoi Zelensky.
Discussion about this post