“Ti merret vula Bardhit”, Pampuri firmos dy herë

Një vendim i Kryesisë së PD-së zyrtare, i marrë në datën 18 korrik, por i publikuar së fundmi, i heq të drejtën e mbajtjes së vulës Gazment Bardhit, Sekretarit të Përgjithshëm, dhe ia kalon atë Indrit Sefës, Sekretarit të Çështjeve Ligjore.

Ajo që bie në sy nga vendimi i kryesisë është fakti se për ti marrë vulën Bardhit kanë firmosur të gjithë deputetët që sot mbështesin Lulzim Bashën, që janë Merita Bakiu, Kreshnik Çollaku, Enkelejd Alibeaj apo Oriola Pampuri.

Kjo e fundit duket se ka qenë më e vendosura për ti marrë vulën Gazment Bardhit, pasi në vendimin e Kryesisë ka firmosur dy herë, njëherë duke shkruar emrin me stilolaps të zi dhe njëherë duke shkruar emrin me stilolaps blu.

Madje thonë se deputetja ishte e gatshme të firmoste edhe 3 herë, por nuk u gjet në atë moment një stilolaps me ngjyrë të kuqe…