Trajneri i Romës, Jose Mourinho ankohet për trajtimin që lojtarët e tij marrin nga gjyqtarët dhe zbulon se ai e paralajmëroi Bryan Cristante: “Ti nuk je Leonardo Bonucci, kështu që merre me qetësi me gjyqtarët”.
‘Verdhekuqtë’ morën një fitore 2-0 ndaj Spezias në ‘Stadio Olimpico’ dje, por panë yllin e tyre Felix Afena-Gyan të përjashtuar në pjesën e dytë.
“Nëse shikoni sa kartonë të verdhë dhe të kuq marrim, ne dukemi si një ekip vrasësish”,-tha Mourinho në një konferencë për shtyp pas ndeshjes.
Roma është skuadra e nëntë në Serie A për gabime të kryera, por renditet e treta për kartonët e kuq dhe të verdhë të marrë.
Mourinho dëshiron që lojtarët e tij të jenë më të kujdesshëm, por, në të njëjtën kohë, ai nuk është plotësisht i kënaqur me mënyrën se si gjyqtarët i trajtojnë djemtë e tij.
Disa javë më parë, ai madje sugjeroi që Nicolo Zaniolo të konsideronte largimin nga Serie A për të njëjtën arsye.
Gjatë konferencës për shtyp, portugezi zbuloi gjithashtu se çfarë i tha Bryan Cristante që ishte kapiten i ekipit të tij kundër Spezias.
“I thashë që ta merrte lehtë me arbitrat sepse ai nuk është Bonucci, ai nuk ka të njëjtin status kështu që nuk mund t’i thotë disa gjëra arbitrit”-shtoi tekniku.
Roma tani ndodhet në vendin e gjashtë në tabelën e Serie A, tetë pikë larg një vendi në Champions League./K.T/Gijotina.com
Discussion about this post