“Ti s’do të jesh kurrë vetëm”, Berisha ironizon Ramën dhe Ahmetajn

Kryetari demokrat, Sali Berisha, ironizoi sot kreun e qeverisë, Edi Rama, të cilit i është arratisur ish-numri dy, Arben Ahmetaj.

Ky i fundit është shpallur në kërkim ndërkombëtar pas akuzave të ngritura ndaj tij.

Duke përdorur një foto nga ditët kur Rama dhe Ahmetaj ishin bashkë, Berisha ironizon me sloganin e qeverisë: “Ti nuk do jesh kurrë vetëm”.

“Të paktën edhe vetë e ka parandjerë!” shkruan Berisha.

Kreu i opozitës e akuzon Edi Ramën si drejtuesin e sipërmarrjes së inceneratorëve, duke thënë se nëse duhet të shkojë dikush në burg, i pari duhet të jetë kryeministri.