Kombëtarja jonë u mposht 1-2 nga Spanja në miqësoren e luajtur në “RCDE Stadium, në një ndeshje ku kuqezinjtë e Edi Rejës zhvilluan një ndeshje të mirë përballë kombëtares iberike.
Një stadium që kishte të pranishëm një numër të lartë tifozësh, nuk mungonin edhe mbështetësit e kombëtares shqiptare.
“Tifozat Kuq e Zi” që janë edhe tifozët zyrtarë të kombëtares kanë krijuar atmosferë të shkëlqyeshme në shkallët e stadiumit.
“Tifozat Kuq e Zi” kanë publikuar në rrjetet sociale një video ku tregojnë atmosferën e krijuar, teksa kanë shkruar: “ Ju kurrë nuk mund të ndalni pasionin tonë”!
Aty shihen një atmosferë e zjarrtë, teksa kanë ndezur fishekzjarrë dhe këndonin vazhdimisht këngë dashurie për atdheun dhe ekipin kombëtar kuqezi.
/f.a/abcnews.al
Discussion about this post