Bayern Munchen renditet në vendin e dytë në Bundesligë. Leverkuseni ndodhet dy pikë larg, ndërkohë që bavarezët do të sfidojnë Lazion për një biletë në çerekfinalet e Champions League.
Thomas Tuchel po përballet me kritika nga tifozët dhe e ardhmja e tij është në dyshim.
Por ndryshe mendon Miroslav Klose, ish-sulmuesi i njohur i Bayernit, i cili është kundër shkarkimit të Tuchel.
“Kam patur pak kontakte personale me të, por në takimet e shkurtra që kemi zhvilluar Thomas më është dukur njerëzor. Ai dëshiron më të mirën, dallohet një gjë e tillë nga deklaratat e tij. Kritikat ndaj tij janë të tepërta. Unë mendoj se ai është trajneri i duhur për Bayernin.
Duhet gjithashtu durim, zgjidhja e parë nuk mund të jetë gjithmonë ndryshimi i trajnerit. Tuchel po bën gjithçka për të ndryshuar gjërat për mirë.
Më pëlqen që ka filluar t’u japë minuta lojtarëve si Pavlovic, Kratzig apo Zvonarek. Mendoj se qëllimi i tij është të ndryshojë strukturën e ekipit.
Por, ende nuk ka ardhur dikush më i mirë se Kimmich apo Goretzka. Lojtarë që kritikohen gjithmonë edhe pse nuk ka njeri që t’i zëvendësojë”, u shpreh Klose.
Discussion about this post