Inter do të presë të mërkurën Benficën në “San Siro” për ndeshjen e kthimit në UEFA Champions League. Në Milano pritet të mbërrijë një numër i konsiderueshëm i tifozëve nga Portugalia, të cilët duket se nuk janë dorëzuar edhe pas humbjes 0-2 në shtëpi.
Autoritetet italiane bëjnë me dije se pritet që të mbërrijnë rreth 6 mijë tifozë, pavarësisht se nuk do të ketë vend për të gjithë në stadium.
Në këtë mënyrë, ata do të mbushin rrugët e Milanos dhe sheshet kryesore. Për të shmangur incidentet e ndryshëm që mund të vijnë nga tifozeria e Benficës, italianët po marrin masa të rrepta për këtë takim.
Perfekti i Milanos, Renato Sakone u shpreh për mediat italiane se nuk do të lejohet shitja e pijeve alkoolike në sheshet pranë stadiumit dhe gjithashtu në rrugët që të çojnë drejt stadiumit.
Nga këto masa, do të preken të gjitha restorantet, baret dhe supermarketet të cilat nuk do të tregojnë pije alkoolike me shishe dhe kanoçe.
Kujtojmë që alkooli u ndalua edhe në Katar gjatë Botërorit, teksa kishte shumë polemika. Tashmë, mbetet të shihet se si tifozët do ta presin vendimin e autoriteteve italiane.
Discussion about this post