Tifozët e Interit dhe Romës u gjendën në të njëjtën anë këtë fundjavë, duke falënderuar Jose Mourinhon pas fitores 4-1 të ‘Verdhekuqve’ ndaj Atalantës, ndërsa shumica e tifozëve të Milan janë të zemëruar me gjyqtarin Davide Massa për një barazim të anuluar në ndeshjen e tyre kundër Napolit.
Inter është kampioni i dimrit ndërsa ka për të zhvilluar edhe një ndeshje dhe me katër pikë epërsi ndaj Napolit dhe Milan. Ndeshja e këtyre të fundit me njëri-tjetrin përfundoi me polemika të dielën pasi Franck Kessie, iu hoq një gol për pozicion jashtë loje.
Tifozët e ‘Zikaltërve’ janë duke shijuar rezultatet dhe paraqitjet e skuadrës së tyre. Është e drejtë të thuhet se jo shumë prisnin të shihnin kampionët e Serisë A në krye të tabelës së Serie A pas një vere ku Antonio Conte, Romelu Lukaku dhe Achraf Hakimi u larguan nga klubi.
Ata mund të jenë të lumtur edhe për fitoren e Romës në Bergamo dhe jo vetëm sepse e kanë rritur epërsinë e tyre ndaj Atalantës në gjashtë pikë.
Të dy Mourinho dhe Gasperini janë ish-trajnerë të Interit, por ndërsa Speciali la kujtime të paharrueshme në San Siro, duke fituar trefishin në 2010, Gasperini qëndroi në krye të ‘Zikaltërve’ vetëm për pesë ndeshje në 2011, duke marrë një barazim dhe katër humbje./K.T/Gijotina.com
Discussion about this post