Situata tek Juventusi duket kaotike. Bardhezinjtë kanë siguruar vetëm një pikë në tre ndeshjet e para të kampionatit. Merkatoja e dobët dhe largimi i Cristiano Ronaldos ka ndikuar tek rezultatet e “Zonjës së Vjetër” në fushën e blertë. Rekordmenët italianë janë shumë larg pritshmërive teksa trajneri Allegri deklaroi pas ndeshjes me Napolin se objektiv është vendi i katër në tabelë. Së fundmi tifozët nuk e kanë pranuar aspak këtë situatë dhe kanë zgjedhur të protësojnë para stadiumit.
“Sezoni është një betejë, kush do ta mbështesë fanellën?
Të dashur drejtues, pa tifozë, pasion dhe mbështetjen e Curva Sud, ky spektakël është i pahijshëm. Juve jemi ne!’, shkruhet në banderolën e tifozëve të Juves.
