Gafa që i shkaktoi humbjen Lazios ndaj Galatasarayt në ndeshjen e Europa League, e preku shumë Thomas Strakoshën i cili pas atij momenti la fushën e lojës.
Ndonëse nuk pritej tifozët e Lazios e kanë mbështetur shumë portierin shqiptar, duke shpalosur një pankartë në përkrahje të tij.
“Mos e vrit mendjen për ata, por shih përpara dhe bëj pritje. Forca Strakosha.”-shkruhet në pankartë.
Ky moment bëri që Strakosha të shpërthej në lot, ndërsa ka shkruar në llogarinë e tij në ‘Instagram’ për këtë gjest.
“Nuk kam fjalë për të përshkruar atë që ndjeva duke hyrë në fushë mes duartrokitjeve plot dashuri dhe më pas te banderola që kishte emrin tim. U përpoqa t’i mbaja lotët, por nuk munda. E vetmja gjë që mund të them është që i falënderoj shumë tifozët e Lazios për dashurinë dhe mbështetjen. Ky moment do të mbetet në zemrën time përgjatë gjithë jetës. Tani të punojmë për ta sjellë Lazion aty ku e meriton”, -ka shkruar Strakosha.
Ndërsa rikujtojmë që edhe trajneri Sarri shprehu mbështetjen e tij ndaj portierit shqiptar./K.T/Gijotina.com
