Tifozët e Milanit mund të qetësohen në prag të derbit që do të luhet fundjavën e ardhshme. “Bomberi” francez, Olivier Giroud shqetësoi jo pak tifozët e Milan dhe të Kombëtares franceze, teksa në përballjen e mbrëmshe përballë Irlandës, u largua nga fusha, që në minutën e 27 të sfidës, pas një problemi në kavilje.
Mirëpo, pas ekzamineve të mëtejshme ka ardhur dhe momenti i “lumturisë” për tifozët e “gjigandëve” të Serie A, teksa nga mediat franceze është mësuar se dëmtimi i sulmuesit kryesor të “kuqezinjve” nuk është shumë shqetësues dhe me shumë gjasa “veterani” francez do të jetë gati të luajë në “derbin e Madoninës”.
Ndërkaq, Giroud është larguar nga grumbullimi me Francën dhe do të udhëtojë në Milano, për t’u ndjekur nga mjekët e Milanit, teksa gjasat janë që të rinisë stërvitjen me grupin të enjten e ardhshme.
Discussion about this post