Qindra tifozë kanë protestuar pasditen e të mërkurës para stadiumit ‘Parc des Princes’ ku kanë kërkuar dorëheqjen e drejtuesve të Paris Saint German.
Po ashtu mes thirrjeve të tifozëve ka pasur edhe kritika të shumta për Messin dhe Neymar të cilëve u kanë kërkuar të largohen nga klubi.
Protesta është organizuar nga një grup tifozës të CUP, të cilët kanë pasur mosmarrëveshje edhe me lojtarë të tjerë të skuadrës përfshirë edhe Leo Messin i cili ditën e djeshme u sanksionua ashpër nga PSG për udhëtimin e tij në Arabinë Saudite për shkak se nuk pati marrë lejen nga klubi.
Objektivi i tifozëve është të tregojnë se “gjërat duhet të ndryshojnë” në një mënyrë “të strukturuar dhe inteligjente”. Nuk është hera e parë që CUP kërkon dorëheqjen e kryesisë.
Frustrimi i tifozëve me yjet e klubit, të udhëhequr nga Messi dhe Neymar, ka qenë i dukshëm për disa kohë, veçanërisht pas eliminimeve të Ligës së Kampionëve duke mos përmbushur as pritshmëritë më minimale.
Discussion about this post