Mbrëmja e djeshme nuk ka qenë fort e mirë për PSG, pasi edhe pse siguroj fitoren e radhës ndaj Rennes 1-0, falë golit të Mbappe, nuk ka arritur të bindë tifozët e saj.
Fitorja e djeshme nuk ka ftohur situatën e tifozëve, ku këta të fundit janë ende të revoltuar me klubin.
Ultrasit janë padyshim të pakënaqur me nënshkrimet e reja si Messi, Hakimi, Donnarumma, Sergio Ramos dhe Wijnaldum, pasi këta nuk po japin maksimumin në fushën e lojës.
Tifozët shpalosën një banderolë ku shkruhej “Ekip mercenarësh të paguar shumë dhe pa disiplinë”.
Këto protesta vijnë katër ditë përpara ndeshjes ndaj Real Madrid në fazën e eliminimit direkt në Champions League.
Discussion about this post