Lionel Messi ende nuk e ka ndarë mendjen se a ta vazhdojë marrëveshjen me Paris Saint-Germain apo jo, dhe duket se tifozët kanë vendosur të protestojnë kundër vazhdimit të kontratës së tij me klubin e zemrës.
Shtatë herë fituesi i Topit të Artë iu bashkua klubit parisien në vitin 2021 si lojtar i lirë, pas më shumë se 17 vitesh karrierë në Barcelonë.
Pasi triumfoi me Argjentinën në Kupën e Botës 2022 në Katar, Messi është përballur me disa akuza dhe kritika se nuk po e jep maksimumin nga vetja për klubin.
Pas eliminimi të hershëm të PSG-së nga Liga e Kampionëve dhe kontratës së tij ende të pa vazhduar, Messi është bërë çështje për tifozët e pakënaqur me punën e tij.
“Ne do të fishkëllejmë dhe do protestojmë kundër Messit këtë të diele. Ai ka një pagë të madhe në krahasim me atë që ai bën në fushë”, thanë liderët e tifozërisë së Parisit.
Ultrasit e PSG-së e konsiderojnë Messin fajtorin më të madh për humbjen e tyre në 1/8 e Ligës së Kampionëve ndaj Bayern Munichut, pasi ai nuk arriti të ketë ndonjë ndikim të madh në të dyja ndeshjet.
Protesta kundër Messit gjatë përballjes me Rennes këtë të diele nuk dihet a do të fillojë me mbërritjen e tij në stadium, pas publikimit të formacioneve të ndeshjes, kur lojtarët të dalin në fushë apo gjatë lojës.
Siç shihet ka shumë opsione se në cilat momente ata mund t’i kundërvihen mbretit të futbollit.
Nacionale
Discussion about this post