Episodi që detyroi ndërprerjen e ndeshjes së Shqipërisë me Poloninë mbrëmjen e së martës ka për t’i kushtuar një shumë të majme Shqipërisë.
Justifikimi i dhunës së tifozëve me provokimin nga lojtarët e Polonisë nuk mjafton si argument për FIFA-n.
Ndërprerja e takimit për më shumë se 20 minuta, menjëherë pas golit të polakëve në të 77-n, e rëndon situatën, duke qenë se hedhja e sendeve në fushë është një ngjarje e përsëritur.
Kjo ngjarje erdhi menjëherë pas provokimit të Karol Swiderskit, që pas golit shkoi të festonte në mënyrë ekspresive përpara fansave.
Kjo nuk e shfajëson Shqipërisë, as fakti që tifozët polakë kanë hedhur shishe drejt tribunave me mbështetës shqiptarë dhe në momentin e ndërhyrjes së policisë, shkatërruan dhe hodhën stolat.
Pas kësaj situata federata rrezikon të gjobitet me 200 mijë franga zvicerane, afro 185 mijë euro, ndërsa përfaqësuesja mund të detyrohet të luajë dy deri në katër ndeshje pa tifozë./K.T/Gijotina.com
