Një ngjarje jo e zakontë ka ndodhur në kampionatin serb të futbolli gjatë ndeshjes midis Novi Pazarit dhe Partizanit të Beogradit.
Takimi është ndërprerë për shkak të disa thirrjeve nga tifozët e skuadrave në fjalë. Mbështetësit e Partizanit të Beogradit kanë thërritur me të madhe emrin e serbit Ratko Mladicit, një nga kriminelët më të mëdhenj të luftës dhe udhëheqësi i makabritetit të Srebrenicës më 1995, ku u vranë 8 mijë djem e burra.
Në kundërpërgjigje të mbështetësve të Partizanit të Beogradit tifozët vendas filluan të thërrisnin emrin e ish-presidentit të Kosovës, Hashim Thaçit.
Emri i Hashim Thaçit konsiderohet si provokim i rëndë për Serbinë, duke ditur se ai ishte njëri nga themeluesit e Ushtrisë Çlirimtare të Kosovës dhe shpalli Pavarësinë e Kosovës./Gijotina.com
