Një tifoz i Gjermanisë nuk arriti të shihte ndeshjen hapëse të Euro 2024, ku skuadra e tij shkatërroi 5-1 Skocinë, edhe pse ishte në stadium deri pak minuta para nisjes së ndeshjes.
Shkak për këtë është bërë sulmuesi gjerman Niclaks Fullkrug. Gjatë stërvitjes përgatitore para nisjes së takimit, një top i gjuajtur prej tij goditi tifozin në dorë, duke ia thyer.
“Nuk kam fjalë, çmenduri fare”, shkroi në rrjetet sociale tifozi Kai Flathmann, ku postoi një foto nga spitali me krahun e lidhur. “Për mua po shkruan Bild dhe Federata Gjermane më ka kontaktuar”, shtoi ai.
Tifozi i tha gazetës gjermane se arriti të shihte vetëm këndimin e himnit e më pas ishte larguar për në spital për të mjekuar dorën.
Discussion about this post