UEFA ka nisur procedim disiplinor kundër Shqipërisë për shkak të hedhjes së objekteve, ndezjes së fishekzjarrëve dhe hyrjes së një tifozi në fushë në ndeshjen ndaj Italisë.
Organizata e Futbollit Evropian do të adresojë procedimin ndaj vetë Federatës Shqiptare të Futbollit, për shkak të sjelljes së tifozëve që cilësohet e papërshtatshme nga UEFA.
Megjithëse tifozët shqiptarë e shndërruar Dortmundin dhe vetë stadiumin në një festë me ngjyra kuqezi UEFA ka sinjalizuar veprime që bien ndesh me rregulloret e saj.
Hyrja e tifozit në fushën e lojës në minutat e fundit të ndeshjes, duke sjellë ndërprerjen e takimit për pak çaste të ndeshjes është bërë pjesë e hetimit disiplinor. Hyrjes së tifozëve në fushë është konsideruar si pushtim i fushës, të cilës i është bashkuar edhe ndezja e fishekzjarrëve në tribuna apo edhe hedhja e objekteve në fushë.
Ndeshja midis Italisë dhe Shqipërisë e vlefshme për grupin B në Euro 2024 që po zhvillohet në Gjermani përfundoi me rezultatin 2-1 duke vështirësuar shanset e Shqipërisë për t’u kualifikuar më tej teksa kuqezinjtë do të luajnë ndeshjet e mbetura të këtij grupi, përkatësisht me Kroacinë dhe Spanjën, teksa kjo e fundit mposhti kroatët me rezultatin 3 me 0.
Discussion about this post