Kryetari i Partisë Demokratike, Lulzim Basha ka udhëtuar në dy raste për në Hollandë me biznesmenin e inceneratorëve, Klodian Zoto, raporton Mapo.al. Në vitin 2018 Lulzim Basha ka takuar në Holandë 2 herë biznesmenin Klodian Zoto. Ky fakt bëhet i ditur qartësisht nga sistemi TIMS.
Sipas sistemit TIMS, Basha dhe Zoto kanë udhëtuar në të njëjtën ditë dhe në të njëjtën orë drejt Romës me destinacion final Holandën. TIMS tregon se udhëtimi i Lulzim Bashës me Klodian Zoton mban datën 13.02.2018 me tranzit Romën dhe destinacion final kryeqytetin e Holandës, Amsterdam. Pas më shumë se 5 muajsh Lulzim Basha thërret sërish Klodian Zoton po në Holandë. Këtë herë udhëtimi i të dyve mban datën 27/08/2018.
Të dy kanë udhëtuar me tranzit Vjenën dhe destinacion final sërish Holandën, në të njëjtën ditë e në të njëjtën orë. Përse Klodian Zoto është detyruar të udhëtojë me Bashën në Hollandë? Çfarë i ka kërkuar Lulëzim Basha Klodian Zotos?
Menjëherë pas udhëtimit të dytë në Gusht të vitit 2018 Lulzim Basha nis sulmet ndaj Klodian Zotos duke e bërë atë me akuzat e tij aksioner në tre kompani. Megjithatë mungesa e një marrëveshje të papranuar nga Zoto e bëri Bashën që të krijonte një përrallë të tërë mbi këtë njeri.
Dy udhëtimet e Lulzim Bashës me Klodian Zoton sipas TIMS
12.02.2017
Rinas – Romë (tranzit) – Amsterdam
27.08.2018
Tiranë – Vjenë (tranzit) – Amsterdam
Discussion about this post