Tirana barazoi ndaj Egnatias mes polemikave teksa kryeqytetasit pretenduan për një penallti në fundin e ndeshjes. Faulli ndaj Majkëll Ngo nuk u bë subjekt i VAR teksa gjyqtari Laver Alla lejoi lojën të luhej. Pas ndeshjes trajneri Orges Shehi shprehu frustimin e tij.
Specialisti i moviolës dhe ish-arbitri i FIFA-s, Bujar Pregja në një studio televizive komentoi rastin e pretenduar nga Tirana duke argumentuar se arbitri Alla nuk kishte fushë-pamjen e mjaftueshme për të sinjalizuar penallti në një kohë që distanca ishte shumë e shkurtër. Është sezoni i parë në Shqipëri ku është instaluar sistemi VAR, por që ka filluar të shfaq luhatje në javën e dytë të kampionatit.
