Largimi i Florent Hasanit nga skuadra e Tiranës ka lënë një “boshllëk” te ekipi kryeqytetas. Tashmë drejtuesit kanë nisur nga puna për gjetjen e një zëvendësuesi, teksa në të kundërt do të rrezikonin shumë në arritjen e objektivave.
Në radarin e bardhebluve ka rënë Moustapha Ba. Sulmuesi aktualisht luan me Trepçën në kampionatin e Kosovës. Sipas shtypit të shkruar bëhet me dije se palët janë shumë afër firmës, me Tiranën që ka bërë gati kontratën për lojtarin.
25-vjeçari nuk kërkohet vetëm nga Tirana, teksa edhe Partizani e ka në planet e tij. Kjo duket një derbi nga skuadrat e kryeqytetit se kush do të mund të fitojë shërbimet e tij.
Kujtojmë se edhe Dinamo dhe Egnatia janë po aty për të përfituar shërbimet e një sulmuesi, i cili në Superligën e kosovës është një “makineri golash”.
Këtë sezon në Kosovë, Ba ka shënuar 9 gola në 11 ndeshje. Përsa i përket karrierës, para se të transferohej në Kosovë, ai ka qenë pjesë e ekipit të FC Nouadhibou në shtetin e Mauritania.
Discussion about this post