Kjo e diel e ka gjetur në “qetësi” Tiranën. Rrugët e qytetin janë boshatisur nga automjetet.
Sikurse shihet në foto, një nga zonat më të populluara të kryeqytetit, në “Bllok”, duken qartazi rrugët e zbrazura.
E teksa Tirana po rri e qetë, Rruga e Kombit është “mbytur” nga makinat.
E diela e fundit në sezonin turistik, ka sjellë një fluks të lartë të automjeteve. Turistë të ardhur kryesisht nga Kosova janë dyndur të shfrytëzojnë bregdetin të favorizuar dhe nga kushtet atmosferike.
Nga qyteti i Milotit dhe deri në Rrëshen vargu i automjeteve është i pandërprerë.
Në disa pika të këtij aksi ndodhen dhe postoblloqe të qarkullimit rrugor me qëllim disiplinimin e lëvizjes së automjeteve.
Discussion about this post