Ka dritë në fund të tunelit. Skuadra e Tiranës ka marrë lajmin e mirë në vigjilje të ndeshjes ndaj Teutës që luhet këtë të dielë. Situata e covidit po shkon drejt normalizimit.
Burime brenda klubit zbulojnë se pjesëtarët e stafit Arzen Voci dhe Kosta Jani që ishin diagnostikuar me COVID, kanë dalë negativë dhe kanë nisur punën me ekipin.
Gjithashtu edhe sulmuesi Taulant Seferi që ishte pozitiv ka dalë negativ dhe pritet që sot të jetë në kryeqytet për të nisur stërvitjen. Bashkë me Seferin, negativ ka dalë dhe Ismajlgeci i cili gjithashtu do të bashkohet me grupin për tu përgatitur për sfidën me Teutën në kampionat.
Ndërkaq në lidhje me Gjumsin, Hoxhallarin, Likën dhe Ngo në ditët në vijim do të monitorohet gjendja e tyre. Tashmë është llogjike që dueli ndaj skuadrës së Teutës do të zhvillohet normalisht. Tirana kërkoi shtyrjen e ndeshjes për shkak të situatës aspak të zakonte por me rikthimin e sulmuesit mund të kemi të bëjmë me një prapakthehu.
