Skuadra e Tiranës siguroi një fitore shumë të rëndësishme ndaj Teutës me shifrat 3-2 dhe vijon udhëheqjen e kreut. Bardheblutë zhvilluan një ndeshje shumë të mirë edhe pse e kishin të përgjysmuar formacionin.
Tirana kaloi në avantazh me Xhixhën në startin e takimit teksa Teuta riktheu ekuilibrat me Ivanoviç. Në startin e fraksionit të dytë të lojës, durrsakët kaluan në avantazh falë autogolit të Najdovskit megjithatë avantazhi i skuadrës së trajnerit Edi Martini zgjati fare pak.
Totre riktheu ekuilibrat për Tiranën pas asistit të Seferit. Pak minuta më pas gjyqtari akordoi një faull në favor të Tiranës që u kthye në gol nga Limaj. Skuadra krijuan raste të tjera shënimi por rezultati mbeti i pandryshuar deri në fund. Tirana siguroi një fitore të artë 3-2 dhe ngjitet në kuotën e 11 pikëve në krye të klasifikimit.
