Tirana ka fituar minimalisht me Bylisin. Në “Adush Muça” kryeqytetasit siguruan 3 pikë të rëndësishme, teksa goli i Hasanit 80’ do të rezultonte vendimtar në këtë sfidë.
Ballshiotët provuan të barazonin shifrat në minutat e mbetura por nuk do të ishin të saktë në finalizimin e rasteve të krijuara, në këtë mënyrë bardheblutë triumfuan, teksa tashmë renditen të parët me 15 pikë.
Në Laç nuk ka fitues, pasi kurbinasit dhe Vllaznia nuk shkuan më shumë se barazimi 1-1 mes tyre.
Golin e parë të sfidës do ta shënonte Adeleke 53’ për vendasit. Spahiu kroson një top në zonë, Adeleke përfiton nga gabimi i mbrojtjes shkodrane dhe dërgon topin në rrjetë.
Ndërsa në minutën e 67-të do të barazoheshin shifrat, teksa Marku do të shënonte për shkodranët.
Pas këtij barazimi Vllaznia ka grumbulluar 11 pikë dhe ndodhet në vendin e 5-të, ndërsa Laçi vazhdon të mbetet i fundit në renditje me vetëm 5 pikë.
Discussion about this post