Tirana në ‘black out’ prej 1 ore, ja zonat e kryeqytetit që janë pa energji elektrike

Disa zona të Tiranës, janë përballur me ndërprerje të energjisë elektrike mesditën e sotme për më shumë se 1 ore.

Mësohet se zonat e prekura janë: Rruga e Elbasanit, Uzina e Autotraktorëve, Brryli, Shkolla e Bashkuar, Ali Demi, si dhe zona e Freskut.

Mësohet se shkak për këtë është bërë një difekt në sistemin e transmetimit.

Ndërkohë OSHEE njofton se shkak është bërë përfshirja nga flakët e një nga transformatorët e “NST Traktora”.

Reagimi i OSHEE

Për shkak të flakës në kanalin e kabllove 20kV të një prej fiderave të NST Traktora, sot rreth orës 13.27, janë stakuar për masë sigurie çelësat 20kV të transformatorit duke lënë pa tension NST Traktora.

Menjëherë u morën masat për shuarjen e flakëve ndërsa për objektet e rëndësisë së vecantë si spitalet, furnizimi me energji elektrike u krye përmes linjave alternative.

Grupet e avarisë së Tensionit të Lartë janë në terren dhe po punojnë për eleminimin e defektit dhe rikthimin e energjisë elektrike tek të gjitha zonat e mbetura pa tension si pasojë e stakimit të energjisë.