Kreu i PD-së, Sali Berisha në një diskutim mbi trashëgiminë kulturore u shpreh se korsitë e biçikletat në Tiranë nuk do të hiqen, por do të shihet ku duhen dhe ku jo.
Ai tha se në Tiranë ka pasur një plan urbanistik që parashikonte se nuk duhet të ketë ndërtime më të larta se 8 kate.
“Biçikletat nuk është se do të hiqen, por do të studiohet se ku do të qëndrojnë dhe ku jo, e cilat do të jenë. Unë nuk jam kundër biçikletës sepse është mjet i dobishëm i shëndetit dhe nuk mund të nxirret jashtë qarkullimit. Ka pasur një plan urbanistik për Tiranën. Edi Rama nuk e bëri atë plan. Ne kemi pasur një plan urbanistik për Tiranën që u bë për 3 vite. Në atë plan kishte të përcaktuar nga 5 deri në 8 kate ndërtimet. Aty ku kanë qenë të caktuara 5 katëshe janë 35. Di persona që kërkonin të rrisnin ndërtimin nga 7-9 dhe nuk bëhej sepse plani ka qenë i përcaktuar, pa kulla. Ligji për trashëgiminë kulturore do të jetë ndër të parët që do të rishikohet. Ne kemi pasur një projekt me italianët me një vlerë deri në 10 milionë euro për restaurim”, u shpreh ndër të tjera Berisha.
Discussion about this post