Tirana “shpartallon” Elbasanin dhe fiton sfidën e parë për mbijetesën në Superligë

Tirana në basketboll për meshkuj fitoi 140-58 ndaj Elbasanit, në ndeshjen e parë play out, sfidë e luajtur në “Fahrie Hoti”.

Një përballje që luhet mes skuadrës së renditur në vendin e pestë në Superligë (Tirana) dhe të dytës në Kategorinë e Parë (Elbasani), për një vend mes më të mirave.

Elbasani zbriti në fushë me një ekip tërësisht “shqiptar”, pa lojtarët e huaj, cka e bëri më të lehtë fitoren e bardhebluve. Shifrat 140-58 flasin qartë për një dominim të Tiranës, që udhëheq 1-0 me ndeshje.

Nika me 30 pikë ishte shënuesi më i mirë për Tiranën, ndërkohë që 7 lojtarë bardheblu realizuan mbi 10 pikë.

Play out-Meshkuj

Nd.1, Tirana – Elbasani, 140-58

Nd,2, Elbasani – Tirana, 16 prill