Talenti kosovar, Mustafë Abdullahu është tashmë portieri i Tiranës.
Klubi bardheblu ka komunikuar nëpërmjet kanaleve zyrtare afrimin e 19-vjeçarit Mustafë Abdullahu, i cili do të jetë i lidhur skuadrën më të titlluar në Shqipëri për pesë sezonet e ardhshme.
Abdullahu do të jetë portier i dytë te Tiranë, pas Ilion Likës, me veteranin që u rikthye titullar mes shtyllave për shkak të dëmtimit të rëndë që pësoi Gentian Selmani në sfidën e kthimit me Beshiktashin në “Air Albania”.
Njoftimi i Tiranës:
“KF Tirana njofton afrimin e portierit Mustafë Abdullahu!
Futbollistët e talentuar e kanë pasur gjithmonë derën e hapur për t’u bërë bardheblu dhe Abdullahu është njëri prej tyre.
19-vjeçari nga Kosova ka firmosur me klubin tonë kontratën 5-vjeçare.
Klubi i uron mirëseardhje portierit të ri dhe suksese me fanellën tonë.”
Discussion about this post