Skuadra e Tiranës do të luajë të hënën derbin e kryeqytetit ndaj Partizanit. Një përballje shumë e rëndësishme për bardheblutë që janë në vendin e parë në renditje në kuotën e 11 pikëve. Një sukses në sfidën ndaj rivalëve të përjetshëm do të ishte një bonus i madh për rekordmenët e Shqipërisë. Tirana nuk fitoi asnjë prej derbeve në edicionin e kaluar dhe hera e fundit që triumfuan ndaj Partizanit ishte dy sezone më parë kur fituan titullin kampion.
Prej asaj kohe në radhët e Tiranës kanë mbetur vetëm dy futbollistë titullar. Ngo dhe Hoxhallari, teksa Muça dhe Lika nuk mund të përfshihen pasi janë ulur në stolin rezervë. Lojtarët e tjerë si Vangjeli, Doka, Batha, Çelhaka, Torasa, Kale dhe Kobina nuk janë më pjesë e skuadrës. Në kampin tjetër Partizani nuk është përfshirë nga kaq shumë largime sa tek Tirana. Ngo dhe Hoxhallari janë dy lojtarët titullarë tek Tirana që kanë më tepërt eksperiencë në derbet e kryeqytetit teksa pjesa tjetër nuk i ka përjetuar ato emocione.
