Merkato e janarit është shumë afër dhe të gjithë klubet po mendojnë për përforcimet dhe lojtarët që duan të afrojnë.
Tirana, e cila aktualisht ndodhet në krye të tabelës së Superligës shqiptare dhe që ka pasur një ecuri shumë pozitive këto 12 javë, i ka hedhur sytë nga ish-lojtari i Kombëtares që dikur ka qenë edhe pjesë e ekipit të Kukësit, Kristal Abazaj.
25-vjeçari është aktualisht pjesë e skuadrës së Istanbulspor në Ligën e Parë turke. Sulmuesi vijon të jetë i dëmtuar dhe faza e rikuperimit pritet të zgjatë deri në fund të janarit. Përpara këtij dëmtimi Abazaj ishte stabël në formacionin e turqve, teksa ia doli që sezonin e shkuar së bashku me Rrocën të ishin lojtarë vendimtarë.
Me afrimin e Abazajt sulmi i Tiranës do të ishte shumë i frikshëm me Seferin dhe Xhixhën, pasi sa i përket Ismajlgecit, për të ka interesim të lartë nga jashtë dhe nuk dihet nëse do jetë pjesë e ‘Bardhebluve’ të kryeqytetit pas kësaj merkatoje./K.T/Gijotina.com
Discussion about this post