Tirana U-15 është zyrtarisht ekipi kampion i këtij edicioni futbollistik në kampionatin ‘Abissnet Superiore’ për këtë grupmoshë.
Bardheblutë e vegjël luajtën ndeshjen e fundit të kampionatit në Laç, ku Tirana u mund me rezultatin 1-0 por pa ndikuar në çështjen e titullit me bardhelutë e vegjël që e kishin siguruar më parë falë diferencës që kishin me ndjekësit e Partizanit.
Kryeqytetasit në 27 ndeshje të luajtura kanë fituar 18, kanë barazuar në 6 ndeshje dhe kanë humbur vetën tre sfida, duke grumbulluar në total 38 pikë.
Në ceremoninë e organizuar nga Federata Shqiptare e Futbollit iu dorëzuan lojtarëve të Tiranës medaljet dhe trofeu i kampionit për edicionin futbollistik 2022-2023.
Ndërkaq, në takimet e tjera të javës së fundit në kampionatin ‘Abissnet Superiore U-15’, Partizani i vendit të dytë u mund nga Vllaznia, ndërkohë që kishte siguruar vendin e dytë në kampionat, ashtu si edhe Akademia e Futbollit që u mposht nga Teuta në Durrës, duke u pozicionuar në vendin e tretë për këtë edicion futbollistik.
Discussion about this post