Një aksident i rëndë është shënuar në kryqëzimin “21 Dhjetori” në Tiranë, rreth orës 3:20 pas mesnatës. Burimet bëjnë me dije se në aksident janë përfshirë dy automjete, njeri me drejtues shtetasin E. D., 30 vjeç dhe makina me drejtues shtetasin L. C. Si pasojë e përplasjes ka ndërruar jetë drejtuesi i mjetit, shtetasi L. C., dhe njëri nga pasagjerët, shtetasi A. B., 69 vjeç.
Aksidenti ka ndodhur në një kryqëzim, dhe paraprakisht dyshohet se një prej mjeteve ka hyrë me semafor të kuq, ndërkohë që siç shihet dhe nga pamjet, përplasja ka qenë tepër e fortë, aq sa mjetet janë shkatërruar plotësisht.
Dëshmitarë që ishin në vendin e ngjarjes, treguan se, brenda një prej makinave që u përfshi në aksident është gjetur një armë zjarri tip AK47.
Dyshohet se shkak për aksidentin është bërë shpejtësia tej normave të lejuara dhe mos respektimi i regullave rrugore. Gjithsesi, grupi hetimor ndodhet në vendngjarje për sqarimin e mëtejshëm të rrethanave.
Discussion about this post