Një ngjarje e rëndë është shënuar ditën e sotme në Tiranë, ku një 27-vjeçar është rrëzuar aksidentalisht nga lartësia e pallatit ku banonte. I riu është transportuar menjëherë në spital dhe ndodhet nën kujdesin e mjekëve, jashtë rrezikut të menjëhershëm për jetën.
Sipas informacioneve paraprake, incidenti ka ndodhur në rrugën “Thoma Koxhaj”. Dyshohet se bëhet fjalë për një aksident, ndërsa shkaqet e sakta të rënies nga lartësia mbeten ende të paqarta.
Policia ka mbërritur në vendngjarje dhe po kryen veprimet hetimore për zbardhjen e plotë të rrethanave. “Dyshohet se aksidentalisht ka rënë nga lartësia e pallatit ku banonte shtetasi M.B., 27 vjeç, i cili ndodhet në spital, nën kujdesin e mjekëve. Punohet për sqarimin e rrethanave të rastit”, njofton policia.
Discussion about this post