Ka ndërruar jetë në spital 33-vjeçari i cili u përfshi në një aksident në kryeqytet më datë 5 shtator.
I riu u përplas me trafikndarësen pasi doli nga rruga në aksidentin e ndodhur në afërsi të nënkalimit të Parkut Zoologjik.
Pasi u plagosu rëndë, 33-vjeçari u dërgua me urgjencë në spital, por nuk mundi dot t’i mbijetonte plagëve të marra.
Ai ndërroi jetë ditën e hënë, 4 ditë pas aksidentit të rëndë.
“Në vijim të informacionit të dhënë më datë 05.09.2024, për një aksident të ndodhur në afërsi të nënkalimit të Parkut Zoologjik të Tiranës, ku shtetasi E. R., 33 vjeç, është përplasur me trafikndarësen, si pasojë e dëmtimeve të marra nga aksidenti, ky shtetas ka ndërruar jetë në spital, ditën e djeshme”, njofton policia e Tiranës.
Discussion about this post