Pas supermarketeve dhe furrave të bukës, nisma për heqjen nga qarkullimi të qeseve plastike do të shtrihet dhe në tregjet publike në Tiranë. Qytetarët që duan t’i përdorin, do të paguajnë edhe për qeset.
Merrni trastat me vete kur të shkoni për të blerë në tregjet e kryeqytetit pasi do t’ju duhet të paguani edhe për qeset e plastikës ku do fusni frutat e perimet. Nisma për të dekurajuar qytetarët të përdorin qeset, muajt në vijim do të shtrihet edhe në të paktën 12 tregje në Tiranë. Inspektorët e bashkisë kanë nisur informimin e tregtarëve.
Iniciativa do të shtrihet në tregje pas zbatimit të saj në supermakete dhe rreth 800 furra buke. Pavarësisht reagimit qytetarëve në fillesat e saj, drejtoresha e Mjedisit në bashki thotë se përdorimi i qeseve plastike është reduktuar ndjeshëm.
Në Tiranë përdoreshin rreth 100 tonë qese çdo muaj duke u kthyer në ndotësit kryesorë të mjedisit, por dhe në rrezik për shëndetin e qyetarëve. Për tu shpërberë plastika kërkon 400 deri në 1 mijë vjet dhe nëse digjet çliron lëndë kancerogjene në ajër.
https://www.youtube.com/watch?v=T0aiOmh8igs
