Një e re është gjetur e pajetë në një banesë në kryeqytet, këtë të enjte. Hetimet paraprake kanë zbuluar se në trupin e viktimës janë konstatuar plagë në pjesën e barkut që mednohet se janë shkaktuar me mjet prerës, c’ka ngre dyshime se vajza është vrarë.
Në një njoftim për mediat, policia thotë se nuk i ka përcaktuar ende gjeneralitet e viktimës, e cila dyshohet se është shtetase e huaj.
Ajo është gjetur e vdekur në banesën që kishte marrë me qera në rrugën “Gjon Muzaka” (mes Rrugës së Durrësit dhe asaj të Kavajës).
“Rreth orës 12:55, në rrugën ‘Gjon Muzaka’, është gjetur pa shenja jete në banesën që kishte marrë me qira, një shtetase (dyshohet e huaj), rreth 30 vjeçe. Gjatë këqyrjes paraprake të trupit janë konstatuar plagë që dyshohet se janë shkaktuar me mjet prerës”, tha policia në një njoftim paraprak.
Trupi i pajetë, shtuan të njëjtat burime, do t’i nënshtrohet ekspertizës mjekoligjore.
“Grupi hetimor po punon për identifikimin e kësaj shtetaseje, sqarimin e rrethanave dhe dokumentimin ligjor të rastit”, mbyllet njoftimi i bluve.
Dëshmia
Ndërkaq, burime pranë grupit hetimor thanë se ka dyshime që viktima të jetë vrarë disa ditë më parë, ndërsa nisur nga dëshmia e dhënë nga e zonja e banesës për policinë, vajza e kishte marrë me qera shtëpinë rreth 10 ditë më parë.
Sipas dëshmive të pronarëve të banesës, nga tiparet, dyshohet se burri dhe vajza e gjetur e vdekur janë nga Lindja e Mesme.
Pronarja e banesës ka rrëfyer se u ka kërkuar kartën ID, por fillimisht i kanë thënë që nuk i kishin. Kur ka shkuar në një moment të dytë për dokumentet në banesë, ata nuk i kanë hapur derën, ka shtuar ajo.
Ishin pronarët e banesës që njoftuan policinë duke u treguar se çifti që kishte marrë shtpinë me qira, prej dy ditësh nuk ishin parë më.
Sipas dëshmive të pronarëve të banesës, nga tiparet, dyshohet se burri dhe vajza e gjetur e vdekur janë nga Lindja e Mesme.
Discussion about this post