Tiranë/ E zënë poshtë inertet, humb jetën punëtori në kantier

Punëtori i një kantier ndërtimi në kryeqytet ka humbur jetën këtë të Martë, në vendin e punës.

Sipas policisë, viktima është një 40-vjeçar të cilin e ka zënë poshtë një sasi inertesh.

Ngjarja ka ndodhur në rrugën “5 Maji”. “Në një objekt në ndërtim e sipër, kanë rënë materiale inertesh duke zënë poshtë punëtorin e objektit, shtetasin V. L., rreth 40 vjeç, i cili si pasojë e dëmtimeve të marra ka ndërruar jetë”, njoftoi policia.

Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.