Në tenativë për të mos rënë në duart e bashkëshortit dhunues, një grua ne Tiranë është hedhur nga kati i dytë i banesës duke rrezikuar jetën e saj.
“Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. M., 33 vjeç, pasi në rrugën “Memo Meto”, në banesë, ka ushtruar dhunë fizike ndaj bashkëshortes, e cila është ndjerë e frikësuar dhe është hedhur nga kati i dytë i banesës”.
Aktualisht gruaja që u hodh nga kati i dytë ndodhet në spital, nën kujdesin e mjekëve.
