Tiranë, humb jetën në punë 65-vjeçari

Një 65-vjeçar ka humbur jetën në punë në një lavanderi në Tiranë.

Ngjarja ka ndodhur rreth orës 14:45 në rrugën “Todi Shkurti”. Nga të dhënat paraprake dyshohet se ai ka humbur jetën për shkaqe natyrale.

“Më datë 02.05.2024, rreth orës 14:45, në një lavanderi në rrugën “Todi Shkurti”, ka humbur jetën, dyshohet për shkaqe natyrale, shtetasi Gj. P., 65 vjeç (punonjës i lavanderisë).   Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi policia.