Një person është arrestuar në Tiranë pas një operacioni të zhvilluar për goditjen e veprimtarisë kriminale në fushën e armëmbajtjes pa leje.
Gjatë kontrolleve në banesë janë gjetur armë zjarri dhe municion luftarak. I arrestuar rezulton i dënuar më parë në shtetin Gjerman për vrasje.
Njoftimi i policisë
Vijojnë operacionet e njëpasnjëshme për goditjen e veprimtarisë kriminale në fushën e armëmbajtjes pa leje.
Finalizohet operacioni policor i koduar “Ekol“
Mbante armë zjarri dhe municion luftarak në banesë, arrestohet poseduesi i saj.
Komisariati i Policisë Nr.4, në bazë të informacioneve të siguruara në rrugë operative nga burime të ndryshme, finalizoi me sukses operacionin policor të koduar “Ekol ”, në kuadër të të cilit u bë kapja dhe arrestimi në flagrancë i shtetasit Vladimir Këndella, banues në Tiranë, i dënuar më parë për vrasje në shtetin Gjerman.
Nga ana e sherbimeve të Komisariatit të Policisë Nr.4, janë siguruar informacione nga inteligjenca policore, për një shtetas që mbante armë zjarri pa leje, në banesë.
Mbi bazën e këtyre informacioneve, falë veprimeve të shpejta dhe profesionale, shërbimet e Policisë kanë ushtruar kontroll në banesën e shtetasit Këndella, dhe kanë gjetur dhe sekuestruar në cilësinë e provës materiale një armë zjarri pistoletë dhe municion luftarak.
Materialet proceduriale i kaluan Prokurorisë, për veprime të metejshme.
Discussion about this post