Tiranë/ Nxënësja 10 vjeçe pickohet nga gjarpri në shkollën private

Një nxënëse e shkollës fillore është pickuar nga një gjarpër në fshatin Farkë të Tiranës.

Ngjarja ka ndodhur në ambientet e pasme të shkollës private “World Academi of Tirana”, konfirmoi policia e Tiranës, që shtoi se e mitura është dërguar në spital për të marrë ndihmë mjekësore.

“Rreth orës 12:35, në Farkë, në ambientet e pasme të një shkolle private, një nxënëse e moshës 10 vjeçe, është pickuar nga një gjarpër. E mitura aktualisht ndodhet në spital, nën kujdesin e mjekëve”, thuhet në njoftimin e bluve.