Një zjarr i përmasave të mëdha ka përfshirë zonën me shkurre në Kodër Kombinat në Tiranë. Mësohet se flakët janë aktivizuar mesditën e sotme dhe për pasojë është djegur një sipërfaqe me shkurre.
Deri më tani, pranë kësaj zone, nuk raportohet për dëme në banesa apo për rrezikimin e tyre nga flakët.
Në vendngjarje kanë shkuar forcat e zjarrfikëses dhe po punojnë për të normalizuar situatën.
Nuk dihet nëse kemi të bëjmë me një vatër të aktivizuar qëllimisht apo si pasojë e temperaturave të larta dhe thatësirës
Situata e zjarreve në Shqipëri sa vjen dhe rëndohet akoma më tepër, duke shkaktuar kështu probleme të mëdha materiale por edhe mjedisore. Vetem pak ditë më përpara janë shuar vatrat e zjarreve në Panaja dhe Bishan.
Përfshirja e Shqipërisë nga veriu në jug nga zjarret, nxorri në dritë mungesën e mjeteve për t’i shuar ato brenda një kohe sa më të shkurtër, duke e lënë vendin në një katrahurë dhe mizori për qytetarët e rrezikuar.
