Tiranë/ Përvetësoi 27 mijë euro nga kompania ku punonte, në pranga 34-vjeçari

Një 34- vjeçar është vënë në pranga nga policia, pasi përvetësoi 27 mijë euro nga kompania Meduza Kafe ku punonte.

34 vjeçari, Rizar Alibali banues në Shkodër, akuzohet për veprat penale “Mashtrimi”, “Falsifikimi i dokumenteve” dhe “Falsifikimi i vulave, i stampave ose i formularëve”.

“Ky shtetas, duke qenë i punësuar në një kompani nga e cila kryente depozita të ndryshme bankare, mashtronte duke depozituar shuma më të vogla parash se shumat reale. Nëpërmjet mashtrimit, ky shtetas ka përvetësuar 27 000 euro dhe në vendin e tij të punës, ka paraqitur dokumente (mandate) të dyshuara të falsifikuara”, thuhet në një njoftim nga policia.