Një punonjës policie është qëlluar me mjet prerës nga një person ende i paidentifikuar. Në njoftimin e policisë sqarohet se ngjarja ka ndodhur tek rrethrrotullimi i Bathores. Nga verifikimi paraprak rezulton se punonjësi i patrullës këmbësore me inicialet Z.P rreth 50 vjec ndodhej në detyrë në kohën që ka marrë plagët. Ndërsa personi që e qëlloi është larguar pas kësaj ngjarjeje. Punonjësi i policisë është transportuar në spital për ndihmë mjekësore. Grupi hetimor po punon për identifikimin dhe kapjen e autorit dhe sqarimin e rrethanave të ngjarjes.
