Një grua 68 vjeçe ka humbur jetën këtë të enjte në Tiranë pas rënies nga lartësia. Sipas një rindërtimi paraprak të ngjarjes, ajo ishte duke pastruar dritaren në banesë, kur papritur ka rënë nga kati i gjashtë i një pallati.
“Në kryqëzimin e rrugës ‘Medar Shtylla’ me rrugën ‘Sulejman Delvina’, shtetasja M. S., rreth 68 vjeçe, duke pastruar dritaren e banesës së saj, dyshohet se aksidentalisht është rrëzuar dhe ka rënë nga lartësia e katit të 6-të. Si pasojë e dëmtimeve të marra, kjo shtetase ka humbur jetën”, njoftoi policia.
Grupi hetimor po punon për sqarimin e rrethanave të ngjarjes, shtuan të njëjtat burime.
Discussion about this post