Tiranë/ Punëtori aksidentohet gjatë ndërtimit në godinë, Policia merr nën hetim nënkontraktorin 62-vjeçar

Aksidenti në punë i një 58-vjeçari i ka kushtuar marrjen nën hetim nënkontraktuesit të punimeve të një kompanie në Tiranë.

Specialistët për Hetimin e Krimeve të Komisariatit të Policisë Nr. 3 njoftuan sot (15 mars) se referuan materialet në Prokurori dhe nisën procedimin penal në gjendje të lirë për 62-vjeçarin me inicialet H. B., me detyrë nënkontraktues.

“Marrja nën hetim u bë për shkak se shtetasi L. P., 58 vjeç duke punuar në një godinë të kontraktuar nga firma e këtij shtetasi, është dëmtuar dhe ndodhet në spital jashtë rrezikut për jetën”, bëri me dije policia paraprakisht. Procedurat verifikuese po vijojnë dhe janë ende aktive, duke i kaluar Prokurorisë së Rrethit për zbardhjen e plotë të dinamikës, kushteve të sigurisë dhe shkaqeve.