Policia e kryeqytetit ka vënë në pranga administratorin e kompanisë, e cila po kryente punime në një objekt tek zona ‘Kodra e Diellit’. Një punëtor i firmës ra nga lartësia dhe humbi jetën një ditë më parë, teksa punonte në kantier.
‘”pecialitët për Hetimin e Krimeve të Komisariatit të Policisë Nr. 1 arrestuan shtetasin Sh. B., 50 vjeç, banues në Paskuqan, për veprën penale “Shkelja e rregullave të mbrojtjes në punë”. Ditën e djeshme, në kompaninë nënkontraktore në administrim prej tij, e cila mbulon punimet në një objekt te Kodra e Diellit, duke punuar ka rënë nga lartësia shtetasi S. B., i cili si pasojë e dëmtimeve të marra, ka humbur jetën në spital”, thuhet në njoftimin e policisë.
55-vjeçari Sinan Baçi, nuk mundi t’u mbijetojë plagëve të marra nga rënia prej lartësisë dhe ndërroi jetë rrugës për në spital.
Discussion about this post