Tiranë/ Sherr mes të rinjve, godasin edhe policin

Disa efektivë policie që kanë ndërhyrë në një sherr mes të rinjve janë goditur. Ngjarja ka ndodhur në rrugën Ismail Qemali.

Fillimisht të rinjtë janë konfliktuar me njëri tjetrin për motive të dobëta por më pas kanë goditur edhe policët.

Si pasojë e sherrit, Policia e Tiranës ka arrestuar në flagrancë mëngjesin e sotëm shtetasin me iniciale E. L., 34-vjeç, banues në Tiranë.

Sipas informacioneve paraprake bëhet me dije se 34-vjeçari është akuzuar për veprat penale “Goditja për shkak të detyrës”, “Plagosja e lehtë me dashje” dhe “Prishja e qetësisë publike”.

Nga ana tjetër, lidhur me ngjarjen e ndodhur në bashkëpunim janë shpallur në kërkim edhe dy shtetasit me iniciale M. D., 20 vjeç dhe J. D., 22 vjeç, të dy banues në Tiranë. Vijon puna për kapjen e tyre.

Së fundmi, këta 3 shtetas, gjatë konfliktit për motive të dobëta, kanë goditur me sende të forta shtetasin R. S., 38 vjeç, dhe më pas nuk i janë bindur urdhrave të punonjësve të Policisë, për të ndaluar, por i kanë kundërshtuar ata, duke i goditur për shkak të detyrës.